තාත්තා - හිතක මැවෙන කවි

සාගරය ආදරෙන් ගංගාව සිප ගනී,
වළාකුළු අහස්කුස තුරුලේම ගුලි වුනී,
බියක් දුක දැනුනාම හිත හෙමින් නැවතුනී,
නූඹෙ තුරුල ලග යළිත් පණ ගැස්ම ඇතිඋනී...

හැමතැනම හැමවිටම ලඟින් හිටි තාත්තා,
හැමදේම හැමවිටම දන්නෙ මගේ තාත්තා,
හැමදේම දරාගෙන හයිය උන තාත්තා,
හැමදාම පාඩමක් මට මගේ තාත්තා...

ඔරලෝසුවේ කටු නොයයි ලගින් ඉන්නා විට,
පාළුවක් තනිකමක් දැනුනේම නෑ මට,
තාමත් ගුරුවරයා ජීවිතේ නුබ මට,
ඉඳින් තව බොහෝ කල් වෙයං හයියම මට...

ආදරය දැනගත්තේ ජීවිතේ නුඹගෙනි,
ඉවසීම ධෛර්යය දැනගත්තේ නුඹගෙනි,
වැටුණාම නැගිටින්න දැනගත්තේ නුඹගෙනි,

ජීවිතය දිනවන්න දැනගත්තේ නුඹගෙනි...

පොඩි කාලේ ඔයා මට මහා යෝධ වීරයෙක්,
බයක් නැති හිතහයිය හරි පුදුම පිරිමියෙක්,
බැහැ කියලා හිතපු මග එළි කරපු දෙවි කෙනෙක්,
මට මාව සොයා දුන් හිතේ මගේ බුදු කෙනෙක්...

පබැඳුම - ඉනූෂ අඹගහවත්ත

Share