මට මාව ලබාදුන් මගේ නොකැලැල් මල
ඉඳින් මට සමාවෙන් වැරදුවා පෙම් විල
සල්ලාල හිත මගේ පාලනය නැති කළ
සුළඟකින් ගෙන ගියා ආදරම පෙම් මල..
පැණි වලට රහ වැටුණ බඹරෙක් වගේ මං
මල් පුරා සැරිසරලා ජීවිතේ අතරමං
නුඹ එක්ක ගිය මගේ ආදරෙන් රත්තරන්
කටුපඳුරු වැපිරුවා නොඑන්නට බැරි තරන්..
ගීයක්ව ජීවිතේ ආයෙත් ගයන්න
නුඹ එක්ක ගිය පාරේ ආයෙත් දුවන්න
ආසයි ඉන්න ඔය තුරුලේ නිදන්න
කිලිටු මට බෑ ඒ තරම් යලි නිවෙන්න..
සමාවක් එපා මට මැරෙනතුරු ඔයාගෙන්
රසින් රස සොයාගිය සල්ලාල කෙනෙක්ගෙන්
නුඹේ සුදු ජීවිතය කලු නොවී තියෙද්දෙන්
මැරෙන තුරු විඳවන්න මට දුකම ලැබෙද්දෙන්..
පබැඳුම - ඉනූෂ අඹගහවත්ත
No comments:
Post a Comment